जनकपुर, फागुन २२
वरिष्ठ वामपन्थी नेता कृष्णराज वर्माको ९३ वर्षको उमेरमा निधन भएको छ ।
उनी केही साता यता धुम्बाराहीस्थित ह्याम्स अस्पतालको आइसियुमा उपचाररत रहेका थिए । नेता वर्माको आइतबार साडे चार बजेतिर निधन भएको उनकी छोरी डा. शीला वर्माले जानकारी दिइन् । स्वर्गीय वर्माको आजै दाहसंस्कार गरिने छ ।
नेपाल कम्युनिष्ट पार्टी स्थापना (२००६) देखि नै निरन्तर कम्युनिष्ट पार्टीमा क्रियाशील रहेका वर्मा २००७ सालको क्रान्तिका योद्धा थिए । वरिष्ठ वामपन्थी वर्माले कम्युनिष्ट दर्शनका पुस्तक र लेखहरू लेखेका छन् । ०४६ सालपछि उनले नेकपा (वर्मा) को अध्यक्ष समेत थिए ।
