नेपालगञ्ज, फागुन २४
बाँकेमा मोटरसाइकल ठक्करबाट एक प्रहरी हवल्दारको मृत्यू भएको छ ।
बाँकेको नेपालगञ्ज उपमहानगरपालिका स्थित राँझा चोकमा मोटरसाइकलको ठक्करबाट प्रहरी हवल्दारको मृत्यु भएको हो ।
चेकिंग ड्युटीमा खटिएका प्रहरी हवल्दार भुपेन्द्र बहादुर शाहीको मृत्यु भएको बाँकेका प्रहरी उपरीक्षक श्यामकृष्ण अधिकारीले जानकारी दिए ।
तिब्र गतिमा नेपालगञ्जबाट कोहलपुर तर्फ जाँदै गरेको भे.१० प ४७५७ नम्बरको मोटरसाइकलले प्रहरी हवल्दारलाई ठक्कर दिएको थियो ।
मोटरसाइकलको ठक्करबाट ड्युटीमा खटिएका प्रहरी जवान नरेश चौधरी घाइते भएका छन् भने उनको नेपालगञ्ज नर्सिङ होममा उपचार भइरहेको बाँके प्रहरीले जनाएको छ । उनीहरु ईलाका प्रहरी कार्यालय मातहतको राँझा बिटमा कार्यरत रहेको प्रहरी निरीक्षक शाहीले बताए ।
ठक्कर दिने मोटरसाइकलका चालक बर्दियाको राजापुरका २० वर्षीय सन्तोष बम सिंह ठकुरीलाई प्रहरीले पक्राउ गरेको जनाइएको छ ।
