पर्सा, चैत्र ६
पर्सामा एक टेम्पो चालकको मृत्यू भएको छ ।
पर्साको ठोरी गाउँपालिका वडा नम्बर ३ मा टेम्पो दुर्घटना हुँदा चालकको मृत्यु भएको छ भने टेम्पोमा सवार अन्य २ जना घाइते भएको पर्सा प्रहरीले जनाएको छ ।
रामनगरबाट बिजयवस्ती तर्फ जाँदै गरेको प्रदेश २–०३–००१ह ६२८ नम्बरको टेम्पो आइतबार बिहान दुर्घटना हुँदा पर्साको ठोरी गाउँपालिका वडा नम्बर ४ बस्ने अन्दाजी ३५ वर्षीय बीरबहादुर विश्वकर्माको मृत्यु भएको हो ।
उनको घटनास्थलमै मृत्यु भएको पर्सा प्रहरीले जनाएको छ ।
दुर्घटनामा ठोरी वडा नम्बर ३ का खेल बहादुर विश्वकर्मा र विजय सुनार सामान्य घाइते छन् ।
उनीहरुको स्थानीय मेडिकल उपचार गरिएको जिल्ला प्रहरी कार्यालय पर्साले जनाएको छ ।
