काठमाण्डौँ, चैत्र ६
दुवईबाट काठमाडौं आएका एक भारतीय नागरिकलाई प्रहरीले त्रिभुवन अन्तर्राष्ट्रिय विमानस्थलबाट पक्राउ गरेको छ ।
भारतको पञ्जाब घर भएका शुभम् मेहरालाई सुनसहित प्रहरीले पक्राउ गरेका हुन् ।
महानगरीय अपराध महाशाखा र विमानस्थल सुरक्षा कार्यालयबाट खटिएको टोलीले मेहराले मलद्वारमा लुकाएर ल्याएको १२ सय ७० ग्राम सुन बरामद गरेको जनाएको छ ।
नेपाल वायुसेवा निगमको जहाँबाट काठमाण्डौं ओर्लिएका उनलाई शंका लागेर चेकजाँच गर्दा मलद्वारभित्र सुन फेला परेको प्रहरीले जनाएको छ ।
धुलो सुनको डल्लो बनाएर आरोपित मेहराले मलद्वारमा लुकाएका थिए ।
