पटना (एजेन्सी), चैत्र ७
भारतको बिहारमा होली पर्वमा मदिरा सेवन गरेर ३२ जनाको मृत्यु भएको छ ।
भारतीय सञ्चार माध्यमका अनुसार भारतको पूर्वी राज्य बिहारमा होली मनाउने क्रममा विषालु मदिरा सेवन गरेका मध्ये बिहारका विभिन्न जिल्लामा कम्तीमा ३२ जनाको मृत्यू भएको हो ।
मृत्यु हुनेमा भागलपुरका १६, बाँकाका १२, मधेपुराका ३, नालंदका १ जना रहेको जनाइएको छ ।
विषाधियुक्त मदिरा सेवनबाट दर्जनौं व्यक्ति बिरामी भएकाले मृत्यु हुनेको संख्या अझै बढ्न सक्ने समेत जनाइएको छ ।
अनाधिकारिक रूपमा उत्पादित मदिरा सेवनका कारण भागलपुरमा २, बाँकामा ६ र मधेपुरामा दर्जनबढी व्यक्ति गम्भीर बिरामी भएका छन् ।
बिहारमा सन् २०१६ देखि अनाधिकारिक रूपमा उत्पादन हुने रक्सीको बिक्री र सेवनमा पूर्ण प्रतिबन्ध लगाइएको छ ।
रक्सी खाएर मृत्यु भएको भनिएका उनीहरूको पोष्टमोर्टम रिपोर्ट आउन अझै बाँकी रहेकोले अहिल्यै मृत्युको कारण भने पुष्टि भईनसकेको बिहार प्रहरीले बताएको छ ।
घरायासी रूपमा बनाइने सस्तो मदिरा पिउँदा मदिरामा हुने बिषाक्त तत्वका कारण मृत्यु हुने गरेको स्थानीयवासीको कथन छ ।
यसैबीच घटनाको विरोधमा स्थानीयले प्रदर्शन गरेका समेत छन् ।
उनीहरूले प्रहरी र व्यवसायीबीचको मिलेमतोमा घटना भएको भन्दै स्थानीय प्रहरी विरुद्ध प्रदर्शन भएको छ ।
उनीहरूले बिहिबार राती विषादियुक्त मदिरा सेवन गरेका थिए । मदिरा सेवनपछि बिरामी परेका थिए । सो क्रममा उनीहरूलाई उपचारका लागि अस्पताल भर्ना गरिएको थियो ।
