खोजवाणी संवाददाता
काठमाण्डौँ, चैत्र ८
नेकपा एमालेमा पूर्वमन्त्री प्रेमबहादुर सिंह र अभिनेत्री करिश्मा मानन्धर मंगलबार प्रवेश गर्दै छन् ।
समाजवादी जनता पार्टीका अध्यक्ष तथा पूर्वमन्त्री समेत रहेका प्रेमबहादुर सिंहसहित सिंगै दल र अभिनेत्री करिश्मा मानन्धरलगायत एक समूह एमाले प्रवेश गर्ने कार्यक्रम रहेको छ ।
आज दिउँसो १ बजे पार्टी केन्द्रीय कार्यालय थापाथलीमा अध्यक्ष केपी शर्मा ओलीले उनीहरूलाई पार्टी प्रवेश गराउने कार्यक्रम रहेको जनाइएको छ ।
नवप्रवेशी सिंह तत्कालीन प्रधानमन्त्री पुष्पकमल दाहाल प्रचण्डको मन्त्रिपरिषदमा २०७३ सालमा खानेपानी मन्त्री भएका थिए ।
अभिनेत्री मानन्धर भने डा.बाबुराम भट्टराईको नेतृत्वमा रहेको नयाँ शक्ति पार्टीमा सक्रिय थिइन् ।
