जलेश्वर, चैत्र १२
महोत्तरीमा मोटरसाइकल दुर्घटना हुँदा एक जनाको मृत्यू भएको छ ।
शुक्रवार राति करिब १० बजे महोत्तरीको पिपरा गाउँपालिका वडा नम्बर ५ स्थित चाँदनी चोकमा तिव्रगतिमा रहेको मोटरसाइकल अनियन्त्रित हुँदा मोटरसाइकल चालक उपेन्द्र महासेठको मृत्यु भएको जिल्ला प्रहरी कार्यालय महोत्तरीले जनाएको छ ।
जनकपुरधामबाट जलेश्वर तर्फ जाँदै गरेको प्र २–०२–००३ प ७८७५ नम्बरको मोटरसाइकल अनियन्त्रित भएर लड्दा मोटरसाइकलमा सवार धनुषाको जनकपुरधाम उपमहानगरपालिका वडा नम्बर २१ स्थित कुर्थाका करिब ४५ वर्षीय महासेठको मृत्यु भएको महोत्तरी प्रहरीका प्रवक्ता समत रहेका प्रहरी नायब उपरीक्षक प्रकाश विष्टले जानकारी दिए ।
मोटरसाइकलबाट लडेर घाइते भएका महासेठलाई उपचारको लागि प्रादेशिक अस्पताल जनकपुरधाममा उपचारको क्रममा मृत्यु भएको महोत्तरी प्रहरीले बताए ।
