जनकपुर, चैत १४
धनुषामा मोटरसाईकल दुर्घटना हुँदा चार जना बालकको मृत्यू भएको छ भने एक जना घाइते भएका छन् ।
धनुषाको सबैला नगरपालिका वडा नम्बर १२ स्थित गौनरपुरामा ज६प ६७३९ नम्बरको मोटरसाईकल दुर्घटना हुँदा ४ जनाको मृत्यू भएको छ भने एक जना गम्भिर घाइते भएको धनुषा प्रहरीका प्रवक्ता समेत रहेका प्रहरी नायब उपरीक्षक जितेन्द्रकुमार बस्नेतले जानकारी दिए ।
मृत्यू हुनेहरुमा सबैला नगरपालिका वडा नम्बर २ बस्ने १५ वर्षिय राहुल यादव, १२ वर्षिय लक्ष्मी यादव, १२ वर्षिय विकास यादव र १४ वर्षिय सुमित यादव रहेका छन् भने घाइते हुनेमा १९ वर्षिय सुरेन्द्र यादव रहेको प्रहरी नायब उपरीक्षक बस्नेतले बताए ।
दुर्घटना कसरी भयो भन्ने विषयमा यकिन नभएको भन्दै प्रहरी नायब उपरीक्षक बस्नेतले यस विषयमा थप अनुसन्धान भईरहेको बताए ।
उनले मृतकको पोस्टमार्टमका लागि जनकपुरधाम स्थित प्रादेशिक अस्पतालमा ल्याइएको छ भने घाइतेको उपचार अस्पतालमा भईरहेको धनुषा प्रहरीले जनाएको छ ।
