जनकपुर, चैत २०
धनुषामा स्कारपियो ठक्करबाट एक जनाको मृत्यू भएको छ ।
धनुषाको विदेह नगरपालिका वडा नम्बर ६ स्थित एकराहीमा शनिबार बेलुकी स्कारपियो जिपको ठक्करबाट एक जना पैदलयात्रीको घटनास्थलमै मृत्यु भएको हो ।
सो घटनामा दुई जना साइकलयात्री पनि घाइते भएका छन् ।
मृत्यु हुनेमा पैदलयात्री स्थानिय अन्दाजी ४० वर्षीय हरिचन्द्र खत्वे मण्डल रहेका छन् । उनको घटनास्थलमै मृत्यु भएको धनुषा प्रहरीले जनाएको छ ।
घाइते भएका साइकलयात्रीद्धय सोही ठाउँका ४२ वर्षीय कुल्दिप महरा र ४० वर्षीय दीपु महराको जनकपुर स्थित रामजानकी अस्पतालमा उपचार भईरहेको धनुषा प्रहरीले जनाएको छ ।
शनिबार बेलुकी पौने ९ बजे जनकपुरबाट एकराहीतर्फ आउँदै गरेको भारतीय नम्बरको जिपले पैदलयात्री सहित साइकल यात्रीलाई ठक्कर दिएको थियो । ठक्कर दिने जिप सहित चालक प्रहरी चौकी गिद्धा धनुषाको नियन्त्रणमा रहेको धनुषा प्रहरीले जनाएको छ ।
