जनकपुर, चैत्र २२
धनुषामा पिकअपको ठक्करबाट एकजनाको मृत्यु भएको छ ।
मंगलबार धनुषाका मिथिला नगरपालिका वडा नम्बर ११ स्थित बाहुनमारामा बर्दिबास जाँदै गरेको पिकअपले विपरित दिशा तर्फबाट आउँदै गरेको मोटरसाइकललाई ठक्कर दिँदा घटनास्थलमै मोटरसाइकल चालकको मृत्यू भएको हो ।
मृत्यू हुनेमा रौतहटको चन्द्रनिगाहपुर नगरपालिका वडा नं. ५ का ५६ वर्षीय शेरबहादुर राईको मृत्यु भएको इलाका प्रहरी कार्यालय ढल्केवरले जनाएको छ ।
बाहुनमारास्थित पृथ्वी राजमार्गमा सिन्धुलीबाट बर्दिबासतर्फ जाँदै गरेको प्रदेश १–०२–००२ प नम्बरको पिकअपले विपरित दिशाबाट आउँदै गरेको बा ५२ प ५१३० नम्बरको मोटरसाइकललाई ठक्कर दिँदा मोटरसाइकल चालक राईको घटनास्थलमै मृत्यु भएको धनुषा प्रहरीले जनाएको छ ।
दुर्घटनामा मृत्यु भएका राईको शवलाई पोष्टमार्टमका लागि जनकपुरधामस्थित प्रादेशिक अस्पतालमा पठाइएको इलाका प्रहरी कार्यालय ढल्केवरका प्रहरी निरीक्षक प्रदिप सुवेदीले बताए ।
ठक्कर दिने पिकअप र चाकल भने प्रहरीको नियन्त्रणमा छ ।
