उदयपुर, चैत्र २२
उदयपुरको बेलका नगरपालिकामा एक छात्राको हत्या गरिएको अवस्थामा शव फेला परेको छ ।
मंगलबार स्थानीय कोशी जनता माध्यमिक विद्यालय रामपुरमा कक्षा १० मा अध्ययनरत कविता सुनुवारको मंगलबार बिहान यसोदा खोला किनारमा हत्या गरिएको अवस्थामा शव फेला परेको हो ।
विद्यालय जाने क्रममा बाटोमै हत्या भएको विद्यालयका प्रधानाध्यापक सूर्य नारायण साहले जानकारी दिए ।
उदयपुर प्रहरीका अनुसार बिहान ५ बजे घरबाट ट्युसन पढ्न विद्यालय जाँदै गरेकी कविता यसोदा खोला किनारमा मृत फेला परेकी थिइन्। उनले स्थानीयले देखेपछि प्रहरीलाई खबर गरेका थिए ।
घटनाबारे उदयपुर प्रहरीले अनुसन्धान गरिरहेको छ भने स्थानीयवासीले घटनालाई हत्या भएको भन्दै नाराबाजी समेत प्रदर्शन गरेका छन् ।
विद्यालय व्यवस्थापन समितिका अध्यक्ष गणेश बस्नेत र प्रधानाध्यापक साहले संयुक्तरुमा एक विज्ञप्ति प्रकाशित गरी घटनाको निष्पक्ष छानबिन गरी दोषीमाथि कारबाही गर्न माग गरेका छन् ।
