बारा, चैत्र २२
बारामा लागू औषध सहित दुई जना पक्राउ परेका छन् ।
पक्राउ पर्नेमा पर्साको वीरगञ्ज महानगरपालिका वडा नम्बर १६ नगवा बस्ने बर्ष ३० को बिजय बैठा र दोलखाको चरीकोट नगरपापिका वडा नम्बर १३ बस्ने नामदु बस्ने बर्ष २३ को सुरज गुरुङ रहेको बारा प्रहरीले जनाएका छन् ।
बाराको बिश्रामपुर गाउँपालिका वडा नम्बर ३ बलिरामपुर स्थित प्रहरी चेक पोस्टमा भारतबाट नेपाल तर्फ आउदै गरेको साईकलमा सवार दुबै जनालाई शंका लागि चेक जाँच गर्नेक्रममा लागूऔषधसहित पक्राउ गरिएको बाराका प्रवक्ता समेत रहेका प्रहरी नायब उपरीक्षक राजेश थापाले जानकारी दिए ।
आरोपितहरुको साथबाट लागूऔषध नाइट्रोभेट २२ पिस ट्याबलेट फेला परेपछि नियन्त्रणामा लिएर आवश्यक थप अनुसन्धान भइरहेको बाराका प्रहरी नायब उपरीक्षक थापाले बताए ।
