जनकपुर, चैत्र २२
धनुषामा लागूऔषधसहित एक यूवकलाई सशस्त्र प्रहरीले पक्राउ गरेको छ ।
पक्राउ पर्नेमा धनुषाको कमला नगरपालिका वडा नम्बर ५ स्थित भलुवाहा बस्ने २३ वर्षिय पंकज कुमार मुरमैता रहेका धनुषाका सशस्त्र प्रहरीले जनाएका छन् ।
मंगलबार धनुषाको जनकनन्दनी गाउँपालिका वडा नम्बर २ स्थित बल्हागोठ स्थित सीमा ईलाकामा बिओपी खजुरीबाट खटिएको सशस्त्र प्रहरीको टोलीले भारतबाट नेपाल तर्फ आउँदै गरेको ज९प ७७६ नम्बरको १६० सिसिको अपाची मोटरसाइकलसहित लागू औषध बरामद भएपछि आरोपित गुरमैतालाई पक्राउ गरिएको सशस्त्र प्रहरीले जनाएका हुन् ।
आरोपित गुरमैताको साथबाट ४९ थान एक सय एमएलको डालेक्स डिसि नामक प्रतिबन्धित लागू औषध फेला परेको थियो ।
