सर्लाही, चैत्र २३
सर्लाहीमा अज्ञात व्यक्तिको गोली प्रहारबाट एक भारतीयको मृत्यु भएको छ ।
बुधबार साँझ सर्लाहीको मलंगवा नगरपालिका वडा नम्बर ९ मा अज्ञात व्यक्तिले गोली प्रहार गर्दा भारत विहारको सोनवर्सास्थित विष्णुपुर नगरनिगम बस्ने ३५ वर्षीय इन्दल महतोको मृत्यु भएको हो ।
महतोमाथि मंलगवास्थित कृष्णामती विद्यालयको पछाडि अज्ञात व्यक्तिले गोली प्रहार गरेको सर्लाहीका प्रवक्ता समेत रहेका प्रहरी नायव उपरीक्षक माधवप्रसाद बुढाथोकीले जानकारी दिए ।
प्रहरी नायब उपरीक्षक बुढाथोकीले गोली कसले, किन चलायो भन्नेबारे केही खुल्न नसकेको र घटनाको विषयमा थप अनुसन्धान भइरहेको बताए ।
