जनकपुर, चैत्र २८
मिथुन साह
भुमिसुधार तथा मालपोत कार्यालय धनुषाका निमित्त प्रमुख घुससहित रंगेहात पक्राउ परेका छन् ।
सोमबार जनकपुरधामको भानु चोकमा अख्तियार दुरुपयोग अनुसन्धान आयोगको टोलीले मालपोत कार्यालय धनुषाका निमित्त प्रमुख सुनिलकुमार झालाई घुससहित पक्राउ गरेको हो ।
निमित्त प्रमुख झालाई अख्तियारको टोलीले ५ लाख रुपैयाँ घुससहित पक्राउ गरेको हो ।
अख्तियारको बर्दिबास कार्यालयबाट खटेको टोलीले झालाई नियन्त्रणमा लिएको हो ।
झाले जग्गाको हकछाप मुद्दाको फैसला गर्नका लागि एक सेवाग्राहीसँग ५ लाख रूपैयाँ घुस लिएका थिए ।
