सुनसरी, बैशाख १
मोटर साइकलमा सवार प्रहरी हवल्दारको ट्रकको ठक्करबाट सुनसरीको दुहबीमा मृत्यु भएको हो ।
बुधबार अपरान्ह भएको दुर्घटनामा परेर घाइते भएका प्रहरीका हवल्दार शिवनन्द मण्डलको आज बिहान मृत्यु भएको प्रदेश प्रहरी कार्यालयले जनाएका छन ।
कोशी लोकमार्ग अन्तर्गत दुहवी नगरपालिका–८ मा उत्तरबाट दक्षिणतर्फ जादै गरेको बा १ क ८८१७ नम्बरको ट्रकले को ३६ प ५४९७ नम्बरको मोटरसाइकललाई ठक्कर दिँदा दुर्घटना भएको थियो।
ट्रकले प्रहरीका सहायक निरीक्षक सनम राजवंशीले चलाएको मोटरसाइकललाई ठक्कर दिँदा मोटरसाइकलको पछाडि सवार प्रहरी हवल्दार शिवनन्द मण्डलको मृत्यु भएको प्रदेश प्रहरी कार्यालयका प्रवक्ता एसपी नविन राईले जानकारी दिएका हुन ।
दुर्घटनामा परी गम्भीर रुपमा घाइते भएका हवल्दार मण्डलको उपचारका क्रममा विराटनगरको आर्या न्यूरो अस्पतालमा बिहीबार बिहान ४ बजे मृत्यु भएको थियो ।
प्रहरी हवल्दार मण्डल सिआरभी पोस्ट् सोनापुरमा कार्य गरिरहेका थियो ।
