रौतहट, बैशाख २
गौरको चन्द्रनिगाहपुर सडक खण्ड अन्र्तगत चन्द्रपुरको बसन्तपुर नगरपालिका ८ मा बिहीबार भएको सवारी दुर्घटनामा एक जनाको मृत्यु भएका छन । भने एक जना गम्भीर रुपमा घाइते भएका छन् ।
डुमरियाबाट चन्द्रनिगाहपुरतर्फ तीव्र गतिमा जाउँदै गरेको प्रदेश न. २–०३–००१ ज १९७ नम्बरको म्याजिकले विपरीत दिशाबाट जादै गरेको बा ४५ प २२४३ नम्बरको स्कुटी र साईकलाई ठक्कर दिँदा स्कुटीका चालक रौतहट बृन्दावन नगरपालिका वडा न.९ भुसाह बस्ने ६० वर्षीय जनहिर पासवानको मृत्यु भएको छ ।
स्कुटीलाई ठक्कर दिएपछि अनियन्त्रित भएको म्याजिकले नजिकै रहेको एक साईकललाई पनि ठक्कर दिएको ईलाका प्रहरी कार्यालय चन्द्रनिगाहपुरले जनाएका छन । म्याजिकको ठक्करबाट स्कुटी चालक पासवान र साईकल चालक रौतहट चन्द्रपुर नगरपालिका ८ बैजनाथपुर बस्ने १२ वर्षीय बालक सुवोध चौधरी घाइते भएका थिए ।
घाइते दुबै जनालाई स्थानीय वासिन्दा र ईलाका प्रहरी कार्यालय डुमरियाको सहयोगमा उपचारको लागी चन्द्रपुर प्रालि अस्पतालमा भर्ना गरिएको थियो । उपचारकै क्रममा साझ करिब ७ बजे स्कुटी चालक पासवानको मृत्यु भएको ईलाका प्रहरी कार्यालय चन्द्रनिगाहपुरका प्रमुख सन्तु जयसवालले जानकारी दिए ।
मृतकको शव परिक्षणको लागि चन्द्रपुर स्थित सरकारी अस्पतालमा राखिएको र घटनाबारे थप अनुसन्धान भइरहेको प्रहरीले जनाएको छ ।
