काठमाण्डौ, बैशाख २
कैलालीका अर्जुन दासको विभत्स हत्या गरेको आरोपमा चार जना लाई प्रहरी पक्राउ गरेका हुन ्।
महानगरीय अपराध महाशाखाका टोलीले हत्याको आरोपमा पक्राउ गरेका चार जनालाई शुक्रबार सार्वजनिक गरीएको थियो ।
पक्राउ पर्नेहरुमा दिलिप दास, मनोज भण्डारी, वमबहादुर बोहरा र सुमित साउद रहेका छन ्। उनीहरू सबै १९ वर्षका हुन ्।
प्रहरीका अनुसार हत्या गरी उनीहरू भारत गएर लुकेर बसेका थिए । काम खोज्न भैरहवा आएका उनीहरूलाई प्रहरीले बोर्डरबाट बिहीबार (हिजो) पक्राउ गरेका हुन ।
हत्यामा १० जना संलग्न रहेको खुलेको प्रहरीले जनाएको छन । घटनाबारे थप अनुसन्धान भइरहेको प्रहरीले जनाएको छ ।
गत पुसमा जानकी गाउँपालिका–९ स्थित अमरावती सामुदायिक वनभित्र सोही ठाउँका २५ वर्षीय अर्जुन दास मृत अवस्थामा फेला परेका थिए ।
बिहान ८ बजेतिर घरबाट निस्केका उनी दिउँसो मृत अवस्थामा फेला परेपछि प्रहरीलाई स्थानीयहरुले खबर गरेका थिए ।
दासको शव रूखमा बाँधिएको र विभत्स अवस्थामा फेला परेको प्रहरीले जनाएको थिए े।
