एजेन्सी, र्बशाख १०
इन्डियन प्रिमियर लिग आईपीएल क्रिकेटमा शुक्रबार राति भएको खेलमा दिल्ली क्यापिटल्सलाई १५ रनले हराउँदै राजस्थान १० अङ्कका साथ शीर्ष स्थानमा पुगेको छ ।
मुम्बईमा राजस्थानले दिएको २ सय २३ रनको लक्ष्य पछ्याएको दिल्लीले आठ विकेट गुमाएर दुई सय सात रन मात्रै बनायो । उसका लागि ऋषव पन्तले सर्वाधिक ४४ रन बनाएका थिए ।
बलिङतर्फ राजस्थानका प्रसिद्ध कृष्णले तीन विकेट लिए । यसअघि टस हारेर पहिले ब्याटिङको निम्तो पाएको राजस्थानले जोस बटलरको शतक मद्दतमा दुई सय २२ रन बनाएको थियो ।
बटलरले एक सय १६ रन बनाए । उनले यो सिजनको आईपीएलका सात वटा खेलमा तीन वटा शतकसहित चार सय ९१ रन बनाइसकेका छन् ।
यो आईपीएलमा सबैभन्दा धेरै रन बनाउने, सबैभन्दा धेरै शतक, सबैभन्दा धेरै चौका÷छक्का लगायतका कयौँ रेकर्ड बटलरले बनाएका छन् ।
यस्तै, एकै सिजनमा सर्वाधिक शतकको रेकर्ड पनि बटलरकै नाममा दर्ता भएको छ । गएरातिको हारेको दिल्ली सात खेलमा ६ अङ्कसहित छैटौँ स्थानमा रहेको छ ।
अन्तिम अपडेटः बैशाख १०, २०७९
