एजेन्सी, बैशाख १०
इन्डियन प्रिमियर लिग (आईपीएल) टी–ट्वान्टी क्रिकेटमा आज (शनिबार) दुई खेल हुँनेछ ।
आज हुने पहिलो खेलमा कोलकाता नाइड राइडर्सले गुजरात टाइटान्ससँग प्रतिस्पर्धा गर्ने छन ।
नावी मुम्बईमा हुने दुई टोलीबीचको खेल नेपाली समय अनुसार दिउँसो ३ः४५ मा सुरु हुनेछ ।
आजको खेलमा जित निकाल्दै गुजरात अंक तालिकाको शीर्ष स्थानमा उक्लने योजनामा रहेको हुनेछ ।
लिगमा ६ खेल खेलेको गुजरात १० अंक जोडेर तालिकाको दोस्रो स्थानमा छ ।
शीर्ष स्थानको राजस्थानको ७ खेलमाट १० अंक छ । यता कोलकातालाई आजको खेलमा जित निकाल्दै चौथो स्थानमा उक्लने योजनामा छ ।
लिगमा ७ खेल खेलेको कोलकाता तालिकाको सातौं स्थानमा रहेको छ ।
आज नै हुने अर्काे खेलमा रोयल्स च्यालेन्जर्स बैंग्लोर र सनराइजर्स हैदरावादले प्रतिस्पर्धा गर्नेछन् ।
मुम्बईमा हुने दुई टोलीबीचको खेल नेपाली समय अनुसार साँझ ७ः४५ मा सुरु हुनेछ ।
आजको खेलमा जित निकाल्दै बैंग्लोर तालिकामा आफूलाई बलियो बनाउने योजनामा हुनेछ । यता हैदरावाद पनि सहज जितको अपेक्षामा रहनेछ ।
