रौतहट, बैशाख १७
रौतहटको चन्द्रनिगाहपुरमा सवारी दुर्घटनामा परेर एक जना पुरुषको ज्यान गएको छ । गए राति इलाका प्रहरी कार्यालय चन्द्रपुर अगाडी चन्द्रपुर ४ टेकान टोल बस्ने हरि गौतमको नम्बर नखुलेको गाडीको ठक्करबाट मृत्यु भएको हो ।
इलाका प्रहरी कार्यालय चन्द्रनिगाहपुरका प्रमुख डिएसपी सन्तुलाल जयसवालले घटनालगत्तै प्रहरी पुगे पनि गाडीको पहिचान हुन नसकेको बताए ।
मृतकको शव पोस्टमार्टमको लागि प्राथमिक स्वास्थ्य केन्द्र चन्द्रनिगाहपुरमा राखिएको छ। ठक्कर दिने गाडीको खोजी भइरहेको इलाका प्रहरी कार्यालय चन्द्रनिगाहपुरले जानकारी दिएको छ ।
