विराटनगर, बैशाख १८
नेपाली काँग्रेसका नेता विमलेन्द्र निधिले स्थानीय पालिकाको निर्वाचनमा काँग्रेस अग्रस्थानमा आउने दावी गरेका छन् ।
आइतबार विराटनगर विमानस्थलमा आयोजित पत्रकार सम्मेलनमा उनले आसन्न स्थानीय तहको निर्वाचनमा सत्ता गठबन्धनबीच भएको तालमेलबाट नेपाली कांग्रेस अग्रस्थानमा आउने बताएका हुन् ।
नेता निधिले भने, ’यो गठबन्धनले मुलुकमा संघीय लोकतान्त्रिक शासन व्यवस्था र कांग्रेस पार्टीलाई बलियो बनाउन सहयोग पुग्नेछ ।’
पत्रकारद्वारा सोधिएको एक प्रश्नको जवाफमा उनले एक करोड ७० लाख मतदाता रहेको मुलुकमा कोही कसैको भाइ, श्रीमती, छोरीबुहारी हुने भएकाले निर्वाचनमा उम्मेदवारी हुनु स्वभाविक भएको समेत स्पष्ट पारे ।
