विराटनगर, असार ५
मोरंगमा मोटरसाइकल चोरीको आरोपमा पक्राउ परेका एक यूवकको डेरामा खानतलासी गर्दा प्रहरीले पेस्तोल समेत फेला पारेको छ ।
प्रहरीले मोटरसाईकल चोरी अनुसन्धानको क्रममा पक्राउ परेका मोरंगको बुढीगंगा गाउपालिका वडा नम्बर ६ बस्ने ३२ वर्षीय विनोद चौधरीको सुनसरीको दुहवी नगरपालिका वडा नम्बर ३ स्थित डेरा कोठामा खानतलासीको क्रममा चाइनिज पेस्तोल १ थान, सोको म्यागाजिन १ थान र गोली १ राउण्ड गोली बरामद गरेको जनाइएको छ ।
मोरंगका प्रहरी प्रवक्ता तथा सूचना अधिकारी दिपक श्रेष्ठले यस विषयमा थप अनुसन्धान भईहरेको जनाएका छन् ।
उनले विगत १ महिनाको अवधीमा मोटरसाईकल चोरीमा संलग्न १६ जना मानिसहरू र २१ थान मोटरसाईकल समेत पक्राउ गरी थप अनुसन्धान भइरहेको बताए ।
