जनकपुर, फागुन ५
धनुषा प्रहरीले एकैदिनमा २० जना फरार अभियूक्तलाई पक्राउ गरेको छ ।
जिल्ला प्रहरी कार्यालय धनुषा तथा मातहतको कार्यालयबाट खटिएका प्रहरी टोलीले विभिन्न मुद्दामा फरार रहेका २० जना अभियूक्तलाई पक्राउ गरेको हो ।
पक्राउ परेकाहरुलाई आवश्यक कारवाहीका लागि धनुषा जिल्ला अदालतमा उपस्थिति गराइएको धनुषाका प्रवक्ता तथा प्रहरी नायव उपरीक्षक बेदप्रकाश गौतमले जानकारी दिए ।
प्रहरी नायब उपरीक्षक गौतमले अधिकांश फरार प्रतिवादीहरु कुटपिट मुद्दाका रहेको बताए ।
