खोजवाणी संवाददाता
सिरहा, भदौँ २१
समयमा पानी नपरेर खेतमा रोपिएको धान नउब्जिने अवस्थाकार कारण किसानहरु चिन्तित रहेका बेला नेकपा माओवादी केन्द्रका अगुवा कार्यकर्ताले थुप्रिएको फोहरहरुलाई हटाएर व्यवस्थितरुपमा नहरलाई सरसफाई गरेका छन् ।
जनतासँग माओवादी विशेष अभियान अन्तर्गत सिरहाको औरही गाउँपालिकामा किसानहरुको गुनासोपछि माओवादीका अगुवा कार्यकर्ताले किसानको खेतसम्म पानी पुग्नका लागि थुपारिएको फोहोरहरुलाई हटाएर सरसफाई गरी सिचाइँलाई व्यवस्थित गरेपछि किसानहरुसमे हर्षित भएका हुन् ।
औरहीमा माओवादीका नेता तथा कार्यकर्ताले किसानको खेतखेतमा पानी पुर्याउनका लागि आज नहर सरससफाई गरेका छन् । माओवादीका नेता तथा कार्यकर्ताले किसानको पिरमर्का बुझेर काम थालेपछि किसानहरुसमेत खुसी भएका छन् ।
पानी नपरेको बेला यसरी नहर साफा गरेपछि किसानलाई ठूलो राहत मिलेको स्थानीय कृषक रामभरोष यादवले बताए ।
