खोजवाणी संवाददाता
जनकपुर, असोज ८
जनता समाजवादी पार्टी नेपालबाट अलग भएर गठन गरिएको लोकतान्त्रिक समाजवादी पार्टी नेपालले लामो समयको प्रतिक्षापछि जम्बो टोली रहने गरी केन्द्रीय समितिलाई पुणर्ता दिएको छ ।
सोमबार बसेको विस्तारित समितिको बैठकबाट पुर्णता दिई गठन गरिएको ३११ सदस्यीय केन्द्रीय समिति रहने गरी लोसपा नेपालमा एकल अध्यक्षसहित ६४ जना पदाधिकारी रहेको छ ।
लोसपा नेपालको अध्यक्ष महन्थ ठाकुर रहेका छन् भने राजेन्द्र महतो, शरतसिंह भण्डारी र अनिलकुमार झासहित तीन जना वरिष्ठ नेताको जिम्मेवारी पाएका छन् । त्यस्तै नेता सर्वेन्द्रनाथ शुक्लालाई वरिष्ठ सहअध्यक्षको जिम्मेवारी दिइएको जनाइएको छ ।
वरिष्ठ उपाध्यक्षहरुमा जितेन्द्र सोनल, उमाकान्त झा, लक्ष्मणलाल कर्ण, अकवाल अहमद शाह निर्जला राउत गरी ६ जना छन् । त्यस्तै उपाध्यक्षमा १५ जना छन् । त्यस्तै १६ जनालाई महासचिवको जिम्मेवारी दिइएको छ । यसअघिका वरिष्ठ उपाध्यक्ष राउत र महासचिव कविन्द्रनाथ ठाकुरलाई कोषाध्यक्षको जिम्मेवारी दिइएको जनाइएको छ ।
त्यस्तै सहमहासचिव ८ जना, सचिव ११ जना, प्रवक्ता र सहकोषाध्यक्ष १–१ जना रहेका छन् ।
जनता समाजवादी पार्टी नेपालबाट अलग भएर गठन गरिएको लोसपा नेपालले दुई वर्षभन्दा बढी समय लगाएर केन्द्रीय समितिलाई पुर्णता दिँदै नामावली सार्वजनिक गरेको हो ।
यस्तो छ नामावली
