खोजवाणी संवाददाता
कलैया, कार्तिक १३
बारामा एक निजी विद्यालयका प्रिन्सिपलमाथि अज्ञात समुहले गोली प्रहारबाट घाइते भएका छन् ।
जिल्लाको कलैयास्थित बाल एकता बोर्डिङ स्कुलका प्रिन्सिपल गुड्डु भनिने रुपेश सर्राफमाथि सोमबार दिउँसो करिब १ बजे अज्ञात समूहले गोली प्रहार गर्दा उनी घाइते भएका हुन् ।
कलैया उपमहानगरपालिकाको व्यस्त बजारमै उनलाई मोटरसाइकलमा आएका दुई जना अज्ञात व्यक्तिले तीन राउण्ड गोली प्रहार गरेका थिए ।
गोली लागेर घाइते भएका सर्राफलाई कलैया स्थित प्रादेशिक अस्पतालमा उपचार सम्भव नभएपछि उनको थप उपचार बीरगञ्जस्थित वयोधा अस्पतालमा भइरहेको छ ।
