खोजवाणी संवाददाता
जनकपुर, कार्तिक १५
जिल्लास्तरीय बुद्धिचाल प्रतियोगिता सम्पन्न भएको छ ।
बुधबार जनकपुरधाम उपमहानगरपालिका वडा नम्बर १० को आयोजनामा धनुषा जिल्ला स्तरीय बुद्धिचाल प्रतियोगिता सम्पन्न भएको हो ।
बुद्धिचाल प्रतियोगितामा स्थानीय विरेन्द्र कुमार महतो प्रथम भएका छन् । भने सुरेन्द्र भगत द्वितीय, चन्दन शर्मा तृतीय र सुनिल ठाकुर चौथो स्थान ल्याएका छन् ।
यस प्रतियोगितामा प्रथम भएका महतोलाई १० हजार रुपैयाँ नगद, दोस्रो स्थान ल्याएका भगतलाई ८ हजार रुपैयाँ नगद र तेस्रो स्थान ल्याएका शर्मालाई ५ हजार रुपैयाँ नगद राशीको पुरस्कार प्रदान गरिएको रेफ्रि ज्ञानेन्द्र खाइजुले जनाएका छन् ।
त्यस्तै चौथोदेखि दशौँ स्थानसम्म प्राप्त गरेका प्रतियोगीलाई २ हजार रुपैयाँ नगद राशीको सान्त्वना पुरस्कार प्रदान गरिएको छ ।
खेलाडीहरुलाई साहित्यकार डा. राजेन्द्र प्रसाद विमल र साहित्यकार रोशन जनकपुरी र जनकपुरधाम वडा नम्बर १० का वडा अध्यक्ष मिथिलेश कर्णले संयुक्तरुपमा विजेताहरुलाई पुरस्कार वितरण गरेका थिए ।
