खोजवाणी संवाददाता
रौतहट, कार्तिक २४
नेकपा एमालेले मौलापुर नगरपालिकाकी नगरप्रमुख रिनाकुमारी साहलाई कारवाही गरी पदमुक्त गरेपछि सर्वोच्च अदालतले पुनःबहाली गरेको छ ।
सर्वोच्च अदालतको इजलास नम्बर ३ का न्यायधिश प्रकाशमान सिंह राउतले कारण देखाउ आदेश र अन्तरिम आदेश जारी गर्दै नगरप्रमुखमा साहलाई पुनःबहाली गरेको हो ।
एमालेले पार्टी गतिविधि विपरित कामकारवाही गरेको भन्दै पार्टीको साधारण सदस्यतासहित मोलापुर नगरपालिकाको नगरप्रमुख पदबाट समेत बर्खास्त गर्दै निर्वाचन आयोगलाई कारवाहीका लागि पत्र पठाएको थियो ।
सोही पत्रको आधारमा निर्वाचन आयोगले नगरप्रमुख साहलाई पदबाट बर्खास्त गरेको थियो ।
रिना साह आमजनता पार्टीका अध्यक्ष प्रभु साहकी पत्नी हुन् ।
