खोजवाणी संवाददाता
जनकपुर, मंसिर ४
शैक्षिक भ्रमणका लागि इलाम गएका विद्यार्थीहरु दुर्घटनामा परेका छन् ।
धनुषाबाट शैक्षिक भ्रमणमा इलामको कन्याम पुगेर घर फर्किंदै गर्दा बस दुर्घटना हुँदा एक बालकसहित दुई जनाको मृत्यु भएको छ भने करिब साढे दुई दर्जन भन्दा बढी घाइते भएका छन् ।
आइतबार इलामको कन्याम पुगेर फर्किंदै गरेको ना६ख ८४२४ नम्बरको बस बेलुका करिब ५ बजे इलामको रोङ गाउँपालिका वडा नम्बर ३ स्थित कोलबुङमा दुर्घटना भएको थियो ।
धनुषाको धनुषाधाम नगरपालिका वडा नम्बर ९ स्थित धारापानीबाट आएको बस कन्यामबाट फर्किने क्रममा मेची राजमार्गको कोल्बुङमा अनियन्त्रित भई सडकबाट करिब ३०० मिटर तल खसेको थियो ।
दुर्घटनामा परी धनुषाधाम नगरपालिका वडा नम्बर ९ स्थित धारापानी बस्ने १२ वर्षिय बालक अर्पण लामा र ४० वर्षिय तुल्मा लामाको मृत्यु भएको नेपाल प्रहरीको राजमार्ग सुरक्षा तथा ट्राफिक व्यवस्थापन कार्यालय इटहरीले जनाएको छ ।
दुई जनाको मृत्यु भएको छ भने दुर्घटनामा परी ३२ जना घाइते भएका छन् । दुर्घटनामा परी घाइते भएका सबैजना धारापानीका स्थानीय हुन् ।
बसका चालक ४१ वर्षिय हरीगिन राउतलाई इलाका प्रहरी कार्यालय पशुपति नगरले नियन्त्रणमा लिएको प्रहरीले जनाएको छ ।
घाइते हुनेहरुमा ३० वर्षिय गणेश कुमारी मुक्तान, ११ वर्षिय समिक्षा मुक्तान, १२ वर्षिय बालक शेखर मुक्तान, १२ वर्षिय बालिका निर्जला मुक्तान, ३६ वर्षिय महिला अन्जु तामाङ, २ वर्षिय नावालिका स्मिरिका तामाङ, ११ वर्षिय बालिका रिजा लामा, ११ वर्षिय बालिका काजल नायक, १४ वर्षिय बालिका नितिशा मुक्तान, ११ वर्षिय बालिका निशु लामा, ४० वर्षिय महिला सुनमाया लामा, २० वर्षिय महिला कबिता घिसिङ, १३ वर्षिय बालक शौगात लामा, १४ वर्षिय बालिका बर्षा तामाङ, १५ वर्षिय बालक सिद्धार्था तामाङ, १५ वर्षिय बालिका स्वेक्षा लोकचन, १२ वर्षिय बालिका विविशा लोकचन, १५ वर्षिय बालिका रोजिना तामाङ, २८ वर्षिय महिला कल्पना कुमारी लामा, २९ वर्षिय महिला शान्ता पाख्रिन, १८ वर्षिय महिला सान्ध्या मोक्तान, ३५ वर्षिय महिला मनमती लामा, ३० वर्षिय महिला ज्ञानु लामा, १८ वर्षिय महिला प्रतिक्षा लामा, ४५ वर्षिय महिला लाल कुमारी लामा, , ४० वर्षिय पुरुष बीरबहादुर लोकचन, १५ वर्षिय बालक कर्ण मुक्तान, १५ वर्षिय बालक कुशुम घिसिङ, ६० वर्षिय महिला शान्तमाया तामाङ, ३५ वर्षिय पुरुष अनिल परियार, २० वर्षिय महिला रचना घिसिङ, ३५ वर्षिय पुरुष संजोक तामाङ, १८ वर्षिय महिला रेनु घिसिङ र १६ वर्षिय समिक्षा लामा रहेका छन् ।
