जनकपुरधाम । नेपाली कम्युनिष्ट पार्टी(नेकपा)का नेता मातृकाप्रसाद यादवले औपचारिक रुपमा चुनावी अभियानको थालनी गरेका छन् ।
धनुषाको क्षेत्र नम्बर १ का उम्मेदवारसमेत रहेका नेता यादवले क्षीरेश्वरनाथ नगरपालिकास्थित दिगम्बपुर, हरिपुरलगाययतका क्षेत्रमा चुनावी गतिविधिलाई अघि बढाएका छन् ।
सो क्रममा नेता यादवले जनता समाजवादी पार्टी (जसपा) नेपाल धनुषाका जिल्ला सदस्य तथा जसपा मुस्लिम संगठनका जिल्ला कोषाध्यक्ष मो. जुबैर आलम र जिल्ला सदस्य मो. ओजिर आलमलगायत दर्जनभन्दा बढी नेता तथा कार्यकर्ताले जसपा नेपाल परित्याग गरी नेपाली कम्युनिस्ट पार्टीमा प्रवेश गरेका छन् ।
नेकपामा प्रवेश गरेका जसपा नेपाल परित्याग गरेका नेता तथा कार्यकर्ताहरुलाई फुलमाला तथा अबिर लगाएर नेता यादवले पार्टी प्रवेश गराएका छन् ।
सो क्रममा नेकपाका नेता सत्रुधन महतो, पार्टीका युवा नेता दीपक यादव, श्याम यादवलगायतका नेताहरुको समेत उपस्थिति रहेको थियो ।
