एजेन्सी, जेठ १
आईपीएलको ६१ औँ खेलमा कोलकाता नाइट राइडर्सले सनराइजर्स हैदरावादलाई ५४ रनले पराजित गरेको छ ।
टस जितेर पहिले ब्याटिङ गरेको कोलकाताले आन्द्रे रसेलको अविजित ४९ रनको सहयोगमा २० ओभरमा ६ विकेट गुमाएर १७७ रन बनाएको थियो ।
हैदरावादका लागि उमरान मलिकले तीन विकेट लिए । जवाफमा हैदरावादले निकै ढिलो सुरुआत ग¥यो र उसको विकेट पनि लगातार खस्दै गयो ।
ओपनर अभिषेक शर्माले ४३ रन बनाए भने एडन मार्करमले ३२ रनको योगदान दिए । शशांक सिंहले ११ रन बनाए ।
यी तीन ब्याट्सम्यानबाहेक अरू कुनै खेलाडीले दोहोरो रन बनाउन सकेका थिएन् ।
हैदरावादको इनिङ्समा आन्द्रे रसेलले अलराउण्ड प्रदर्शन गर्दै ३ विकेट लिएका थिए ।
टिम साउथीले दुई विकेट लिए । योसँगै कोलकाताले प्लेअफको दौडमा दुई कदम अगाडि बढ्दै अंक तालिकामा १२ अंक जोड्दै हैदरावाद र पञ्जाबलाई पछि पार्दै छैटौँ स्थानमा पुगेको छ ।
