एजेन्सी, जेठ १
समुद्रमा पाइने अक्टोपसको जीवनबारे यो कुराले तपाईंलाई हैरान पनि बनाउन सक्छ र दुःखी पनि । अक्टोपस त्यो जीव हो जुन निकै कम उमेरमा नै अनाथ हुने गर्छ । यसरी बुझ्नुहोस् कि अक्टोपसका आमा–बुवा बच्चाको जन्मसम्म मात्रै बाँच्छन् । यसमा पनि जसरी पोथी अक्टोपसको मृत्यु हुन्छ, त्यो निकै दर्दनाक छ ।
पोथी अक्टोपसबारे थाहा पाउँदा जोसुकैलाई पनि दुःख लाग्ला किनभने यसले अण्डा पारेपछि नै आत्महत्या गर्ने गर्छ । त्यो पनि निकै भयानक तरिकाले । पोथी अक्टोपसले अण्डा दिएपछि खाना खानै छोड्छ र आफैँलाई चोट पुर्याउने गर्छ । उसले आफ्नो शरीरबाट आफ्नै छाला लुछेर अलग गर्छ, साथै आफ्नो टेन्टकल्सको टुप्पो पनि टोक्ने गर्छ ।
जब अक्टोपसका बच्चा अण्डाबाट बाहिर निस्कन्छ, त्यतिबेलासम्म त ती बच्चाका आमाको मृत्यु भइसकेको हुन्छ । त्यसको केही महिनामा पिताको पनि मृत्यु हुन्छ । अक्टोपसको छोटो र निकै दर्दनाक जीवनले सधैँ वैज्ञानिकको ध्यान आकृष्ट गर्दै आएको छ । सन् १९४४ मा अनुसन्धाताले सम्भोगपछि अक्टोपसले यस्तो गर्ने अनुमान लगाएको थियो ।
८० वर्षपछि वैज्ञानिकको त्यहि अस्पष्ट परिकल्पनाले आकार लिइरहेको छ । अनुसन्धानकर्ताले हालै पत्ता लगाए अनुसार सम्भोग वा सेक्सले पोथी अक्टोपसको हर्मोनमा कोलेस्ट्रोल आधारित थुप्रै महत्वपूर्ण बायोकेमिकल मार्गहरुमा परिवर्तन हुनेगर्छन् ।
